My place

Hwæt, ic swefna cyst secgan wylle,

hwæt mē gemætte to midre nihte,

syðþan reordberend reste wunedon.

þūhte mē þæt ic gesāwe syllicre trēow lēohte bewunden,

bēama beorhtost. Eall þæt bēacen wæs

begoten mid golde.  Gimmas stōdon

fægere æt foldan scēatum, swylce þær fife wæron

uppe on þām eaxlgespanne.  Behēoldon þær engel dryhtnes ealle,

ac hine þær behēoldon hālige gāstas,

men ofer moldan ond eall þēos mære gesceaft.

Syllic wæs se sigebēam, ond ic synnum fāh,

forwunded mid wommum.  Geseah ic wuldres trēow,

15 wædum geweorðod

wynnum scīnan,

gegyred mid golde; gimmas hæfdon

bewrigen weorðlīce wealdendes trēow.

Hwæðre ic þurh þæt gold ongytan meahte

earmra ærgewin, þæt hit ærest ongan swīðran healfe. Eall ic wæs mid sorgum gedrēfed,

forht ic wæs for þære fægran gesyhðe.  Geseah ic þæt fūse bēacen

wendan wædum ond blēom; hwīlum hit wæs mid wætan bestēmed,

beswyled mid swātes gange, hwīlum*  mid since gegyrwed.

Hwæðre ic þær licgende lange_hwīle

oð ðæt ic gehyrde þæt hit hlēoðrode.

Ongan þā word sprecan wudu sēlesta:

‘Þæt wæs gēara_iū, (ic þæt gyta geman),

þæt ic wæs āhēawen holtes on ende,

geworhton him þær tō wæfersyne, hēton mē heora wergas hebban.

Bæron mē þær beornas on eaxlum, oððæt hīe mē on beorg āsetton,

gefæstnodon mē þær fēondas genōge.   Geseah ic þā frean mancynnes

efstan elne micle, þæt hē mē wolde on gestīgan.

35 Þær ic þā ne dorste ofer dryhtnes word

būgan oððe berstan, þā ic bifian geseah

eorðan scēatas.  Ealle ic mihte

fēondas gefyllan, hwæðre* ic fæste stōd.

Ongyrede hine þā geong hæleð, (þæt wæs god ælmihtig),

40 strang ond stīðmōd. Gestāh hē on gealgan hēanne,

mōdig on manigra gesyhðe, þā hē wolde mancyn lysan.

Bifode ic þā mē se beorn ymbclypte. Ne dorste ic hwæðre būgan tō eorðan,

feallan tō foldan scēatum, ac ic sceolde fæste standan.

Rōd wæs ic āræred. Āhōf ic rīcne cyning,

Þurhdrifan hī mē mid deorcan næglum.  On mē syndon þā dolg gesīene,

opene inwidhlemmas.  Ne dorste ic hira ænigum sceððan.

Bysmeredon hīe unc būtū  ætgædere. Eall ic wæs mid blōde bestēmed,

begoten of þæs guman sīdan, siððan hē hæfde his gāst onsended.

50 ‘Feala ic on þām beorge gebiden hæbbe

wrāðra wyrda. Geseah ic weruda god

þearle þenian. Þystro hæfdon

bewrigen mid wolcnum wealdendes hræw,

scīrne scīman, sceadu forð ēode,

cwīðdon cyninges fyll. Crīst wæs on rōde.

Hwæðere þær fūse feorran cwōman

tō þām æðelinge. Ic þæt eall behēold.

Sāre ic wæs sorgum gedrēfed, hnāg ic hwæðre þām secgum tō handa, ælmihtigne god,

āhōfon hine of ðām hefian wīte. Forlēton mē þā hilderincas

standan stēame bedrifenne; eall ic wæs mid strælum forwundod.

Ālēdon hīe þær limwērigne, gestōdon him æt his līces hēafdum,

behēoldon hīe þær heofenes dryhten, ond hē hine þær hwīle reste, æfter ðām miclan gewinne.   Ongunnon him þā moldern wyrcan

beornas on banan gesyhðe; curfon hīe ðæt of beorhtan stāne,

gesetton hīe ðæron sigora wealdend. Ongunnon him þā sorhlēoð galan

earme on þā æfentīde, þā hīe woldon eft sīðian,

mēðe fram þām mæran þēodne. Reste hē ðær mæte weorode. gōde hwīle

stōdon on staðole, syððan stefn up gewāt

hilderinca. Hræw cōlode,

fæger feorgbold. Þā ūs man fyllan ongan

ealle tō eorðan. Þæt wæs egeslic wyrd!

75 Bedealf ūs man on dēopan sēaþe

. Hwæðre mē þær dryhtnes þegnas,

frēondas gefrūnon,

ond gyredon mē golde ond seolfre.

‘Nū ðū miht gehyran, hæleð mīn se lēofa,

þæt ic bealuwara weorc gebiden hæbbe,

80 sārra sorga. Is nū sæl cumen

þæt mē weorðiað wīde_on_sīde

menn ofer moldan, ond eall þēos mære gesceaft,

gebiddaþ him tō þyssum bēacne. On mē bearn godes

þrōwode hwīle. Forþan ic þrymfæst nūhlīfige under heofenum, ond ic hælan mæg

æghwylcne ānra, þāra þe him bið egesa tō mē.

Iū ic wæs geworden wīta heardost,

lēodum lāðost, ær þan ic him līfes weg

rihtne gerymde, reordberendum.

90 Hwæt, mē þā geweorðode

wuldres ealdor

ofer holtwudu, heofonrīces weard!

Swylce swā hē his mōdor ēac, Marīan sylfe,

ælmihtig god for ealle menn

geweorðode ofer eall wīfa cynn. hāte, hæleð mīn se lēofa,

þæt ðū þās gesyhðe secge mannum,

onwrēoh wordum þæt hit is wuldres bēam,

se ðe ælmihtig god on þrōwode

for mancynnes manegum synnum

Dēað hē þær byrigde, hwæðere eft dryhten ārās

mid his miclan mihte mannum tō helpe.

Hē ðā on heofanas āstāg. Hider eft fundaþ

on þysne middangeard mancynn sēcan

105 on dōmdæge dryhten sylfa,

ælmihtig god, ond his englas mid,

þæt hē þonne wile dēman, se āh dōmes geweald,

ānra gehwylcum swā hē him ærur hēr

on þyssum lænum līfe geearnaþ.

110 Ne mæg þær ænig unforht wesan

for þām worde þe se wealdend cwyð.

Frīneð hē for þære mænige hwær se man sīe,

se ðe for dryhtnes naman dēaðes wolde

biteres onbyrigan, swā hē ær on ðām bēame dyde. forhtiað, ond fēa þencaðhwæt hīe to Crīste cweðan onginnen.

Ne þearf ðær þonne ænig anforht wesan

þe him ær in breostum bereð bēacna sēlest,

ac ðurh ðā rōde sceal rīce gesēcan

120 of eorðwege æghwylc sāwl,

sēo þe mid wealdende wunian þenceð."

Gebæd ic mē þā to þām bēame blīðe mōde,

elne mycle, þær ic āna wæs

mæte werede. Wæs mōdsefa

langunghwīla. Is mē nū līfes hyht

þæt ic þone sigebēam sēcan mōte

āna oftor þonne ealle men,

well weorþian. Mē is willa tō ðām

geriht tō þære rōde. Nāh ic rīcra feala

frēonda on foldan, ac hīe forð heonon

gewiton of worulde drēamum, sōhton him* wuldres cyning,

lifiaþ nū on heofenum mid hēahfædere,

135 wuniaþ on wuldre, ond ic wēne_mē

daga gehwylce hwænne mē dryhtnes rōd,

þe ic hēr on eorðan ær scēawode,

on þysson lænan līfe gefetige

ond mē þonne gebringe þær is blis mycel,

140 drēam on heofonum, þær

is dryhtnes folc

geseted tō symle, þær is singāl blis,

ond mē þonne āsette þær ic syððan mōt

wunian on wuldre, well mid þām hālgum

drēames brūcan. Sī mē dryhten frēond,

145 se ðe hēr on eorðan ær þrōwode

on þām gealgtrēowe for guman synnum.

Hē ūs onlysde ond ūs līf forgeaf,

heofonlicne hām. Hiht wæs genīwad

mid blēdum ond mid blisse þām þe þær bryne þolodan.

mihtig ond spēdig, þā hē mid manigeo cōm,

gāsta weorode, on godes rīce,

anwealda ælmihtig, englum tō blisse

ond eallum ðām hālgum þām þe on heofonum ær heora wealdend cwōm,

ælmihtig god, þær his ēðel wæs.